كل ما يكتب فى هذا المنتدى من افكار أو موضوعات أو تحليلات أو توصيات , هى مسؤولية كاتبها و أمانة فى عنقه , و الموقع غير مسؤل عنها .

النتائج 1 إلى 2 من 2
  1. #1
    تاريخ التسجيل
    Aug 2010
    المشاركات
    33

    مقادير التورتة مضمونة النجاح

    المقادير
    عشرة بيض أحمر
    كوب سكربودر أو عادى بس البودر بينضرب أسرع
    كوب ونصف دقيق
    كيس بيكنج بودر(ملعقتين تقريبا)
    فانيليا
    شوية زيت لدهن صينية الفرن

    طريقة التحضير

    أولا نضرب البيض بالمضرب الكهربائى كويس جدا لمدة خمس دقائق
    ثم نضيف السكر ونضرب لمدة عشر دقائق حتى يذوب السكر نهلئيا ويصبح الخليط مثل الكريمة
    ثم نضيف الفانيليا
    بعد ذلك ننخل الدقيق ونضع عليه البكنج بودر ونضيفه الى الخليطشوية بشوية ونقلب بالمعلقة وليس بالمضرب
    ثم نجهز صينية متوسطة الحجم وندهنها بشوية زيت صغيرين ونرشهل بشوية دقيق ونزيل باقى الدقيق ثم نضع نصف مقدار العجين فى الصينية ونضعها فى فرن متوسط الحرارة لمدة ربع تلت ساعة تقريبا (لمعرفة إكتمال النضج نغمس فيها سكين لو لم يكن فى السكين بقايا عجين فقد تم نضج الكيكة وإلا نتركها شوية كمان)
    بعد ذلك نخرج الكيكة من الصينية ونضعها على منخل سلك ممكن تقسميها نصفين
    ثم تسوى نصف العجينة التانى بنفس الطريقة
    وعند التزيين بتسقى كل طبقة بماء الكنبوت أو سفن أو شربات وتزينيها على زوقك
    وممكن تعمليها توتة جيلى إزاى؟!
    أقولك
    تجيبى 2 علبة جيلى وتضعيه فى 3كوب ماء مغلى وتقلبى
    وفى نفس الصينية اللى عملتى فيها الكيكة ضعى نصف كمية الجيلى وضعيها فى الفريزر ربع ساعة ثم ضعى عليها أى نوع فاكهة رصيها بشكل حلو ثم صبى عليها باقى كميةالجيلى وضعيها فى الفريزر تلت ساعة ثم ضعى فوقها طبقى كيكة ثم كريم شانتيه ثم الطبقةالثانية وهكذا ثم ضعيها فى الفريزر مرة تانية لمدة تلت ساعة ثم أخرجيها من الفريزر ولكى نخرج التورتة من الصينية على عرضى الصينين لنار البوتاجاز وانتى رفعاها بإيديك لفوق علشان نسيح الجيلى شوية علشان نقلب التورتة بسهولة وحركى الصينية بإيدك لو تحركت التورتة معاكى إقلبيها فى طبق التقديم وزينى الجوانب بالكرية شانتيه وجوز الهند
    وبالهنا والشفا
    على فكرة بجد المقادير دى مضمونة النجاح إن شاء الله عرفتها من حماتى
    وبجد كل أما أعمل تورتة الكل يتهوس عليها
    جربو وقولو لى عملتو إيه

  2. #2
    تاريخ التسجيل
    Nov 2009
    الدولة
    مصــــــــر
    المشاركات
    2,740

    رد: مقادير التورتة مضمونة النجاح

    شكرا لك شوربة خضار
    فعلا المقادير دي انا جربتها و هي فعلا بتطلع التورته ناجحة جدا


الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •